Tədqiqatın məqsədi. Bu tədqiqatda Azərbaycanda yetişdirilən xurma (Diospyros kaki Thunb.), feyxoa (Feijoa sellowiana), zoğal (Cornus mas L.) və heyva (Cydonia oblonga Mill.) meyvələrinin ümumi polifenol tərkibi və antioksidant aktivliyi sistemli şəkildə qiymətləndirilmişdir. Material və metodlar. Təzə meyvələr bazardan əldə edilərək, qurudulmuş və etanollu ekstraktları hazırlanmışdır. Ümumi fenol tərkibi Folin–Çiokalteu spektrofotometrik metodu ilə, antioksidant aktivlik isə DPPH radikal neytrallaşdırma üsulu ilə müəyyən edilmişdir. Nəticələr. Feyxoa meyvələri 178.5 µmol GA/g DW polifenol tərkibi və IC₅₀ = 24.3 µg/mL ilə ən güclü antioksidant aktivliyə malik olmuşdur. Zoğal meyvələri orta səviyyəli fenol tərkibi (120.4 µmol GA/g DW) və IC₅₀ = 38.0 µg/mL, heyva 145.2 µmol GA/g DW və IC₅₀ = 35.6 µg/mL göstərmiş, xurma isə ən aşağı polifenol tərkibi (85.7 µmol GA/g DW) və IC₅₀ > 100 µg/mL ilə zəif aktivlik nümayiş etdirmişdir. Ümumi fenol tərkibi ilə DPPH nəticələri arasındakı uyğunluq, meyvələrin antioksidant potensialının əsasən fenol birləşmələri tərəfindən təmin olunduğunu təsdiqləyir. Alınan nəticələr quru ekstrakt əsasında ifadə edilmiş, ekstraksiya yanaşmasının antioksidant fəaliyyətin qiymətləndirilməsində mühüm rol oynadığı göstərilmişdir. Yekun. Bu tədqiqat feyxoanı fenol tərkibi və antioksidant potensialı yüksək funksional bitki xammalı kimi perspektivli olduğunu vurğulayır. Gələcək tədqiqatlarda fenol profilinin xro-matoqrafik təhlili və müxtəlif antioksidant mexanizmlərinin qiymətləndirilməsi bu nəticələrin daha geniş interpretasiyasına imkan verə bilər.
Xuraman N. Mustafayeva (2026) studied this question.