Euphorbia ferganensis (sutlama) o‘simligidan polifenol birikmalarini ajratib olish, ularni tozalash va biologik faolligini aniqlash natijalari keltirilgan. Tadqiqot jarayonida o‘simlikning yer ustki qismlaridan ekstraksiya qilish uchun etanol–suv aralashmasi qo‘llanildi, olingan ekstrakt vakuum ostida kontsentratsiyalandi hamda fraksiyalash usullari yordamida polifenol fraksiyalari ajratib olindi. Umumiy polifenollar miqdori spektrofotometrik usulda (Folin–Ciocalteu reaktivi yordamida) aniqlandi. Ajratib olingan birikmalarning biofaolligi antioksidant faollik (DPPH radikalini tutib qolish qobiliyati), membranani himoya qilish xossasi va mikroorganizmlarga qarshi ta’siri orqali baholandi. Natijalar shuni ko‘rsatdiki, o‘simlikdan olingan polifenol fraksiyalari yuqori antioksidant faollikka ega bo‘lib, hujayra membranasini oksidlovchi stressdan himoya qilish xususiyatini namoyon etdi.
Jumanazarov et al. (Wed,) studied this question.