Azərbaycanda Bi̇tən Limonium Caspium Bi̇tki̇si̇ndən Alinmiş Flavonoi̇dləri̇n in Vitro Anti̇oksi̇dant Akti̇vli̇yi̇ni̇n Və in Silico Bi̇oloji̇ Akti̇vli̇yi̇ni̇n Tədqi̇qi̇

Azərbaycan florasından Limonium caspium (Willd.) P.Fourn (Plumbaginaceae) köklərindən alınmış mirisetin (M1), mirisitrin (M2) və mirisetin-3′-O-sulfat (M3) flavonoidlərinin antioksidant xassələri in vitro şəraitdə müqayisəli şəkildə öyrənilmiş, bioloji aktivlikləri isə in silico üsullarla (PASS Online, ProTox 3.0, SwissADME, SwissTarget və ADMETlab 3.0) proqnozlaşdırılmışdır. Bundan əlavə, molekulyar dokinq proqramı vasitəsilə ligand–makromolekul qarşılıqlı təsirləri araşdırılmışdır. DPPH testi ilə maddələrin IC₅₀ antioksidant fəallıqları (mkq/ml) hesablanmışdır: M1 – 7,81; M2 – 6,34; M3 – 6,2. Proqnozlaşdırılmışdır ki, M1 yüksək şiş əleyhinə aktivliyə (%92,4), M2 (%99,0) və M3 (%99,1) isə yüksək hemostatik (qankəsici) xüsusiyyətlərə malikdir. Molekulyar dokinq AutoDock Vina 4.2 proqramından istifadə edilməklə həyata keçirilmişdir. Tədqiq olunan ligand kimi M3 birləşməsi, hədəf zülal kimi isə ksantindehidrogenaza seçilmişdir. M3 molekulu ksantindehidrogenaza fermentinin aktiv mərkəzi ilə müxtəlif qarşılıqlı təsir mexanizmləri vasitəsilə bağlanmışdır və qarşılıqlı təsirlərin ümumi profili M3-ün fermentlə güclü və spesifik bağlanmasını göstərir.