Maqola zamonaviy lingvistik semantika, xususan, so‘nggi paytlarda keng tarqalgan kontseptual integratsiya nazariyasiga bag‘ishlangan. Mazkur maqolada oksimoron hodisasi kontaminatsiyaning o‘ziga xos ko‘rinishi sifatida kognitiv-semantik nuqtai nazardan tahlil qilinadi. Tadqiqotda kompozitsion semantika va konseptual integratsiya nazariyalari asosida oksimoronlarning ma’no hosil qilish mexanizmi ochib beriladi. Oksimoron tarkibidagi o‘zaro zid semantik komponentlar birikishi natijasida yuzaga keladigan yangi gibrid ma’no intensional va implikatsional qatlamlar orqali izohlanadi. Shuningdek, badiiy matnlarda oksimoronlarning stilistik, emotsional-ekspressiv va baholovchi funksiyalari misollar asosida ko‘rsatib beriladi. Tadqiqot natijasida oksimoronlar lingvokreativ jarayon mahsuli sifatida til tizimida muhim o‘rin egallashi hamda kontaminatsiya jarayonining semantik modelini namoyon etishi ilmiy jihatdan asoslandi. Ushbu yo‘nalishning zamonaviy kognitiv tadqiqotlardagi ahamiyati ko‘rsatilgan, shuningdek, ushbu nuqtai nazardan tilning turli darajalarida oksimoronlarni tahlil qilishga urinish qilingan.
Zafar et al. (Sun,) studied this question.