Modulli Ta’lim Asosida Interfaol Metodlardan Foydalanishning Pedagogik Samaradorligi

Mazkur maqolada boshlang‘ich sinf o‘qish darslarida modulli ta’lim asosida interfaol metodlardan foydalanishning pedagogik samaradorligi o‘rganilgan. Tadqiqot jarayonida o‘qish darslarini modulli asosda tashkil etishning didaktik imkoniyatlari tahlil qilinib, uning o‘quvchilarning o‘qish samaradorligi, bilish faolligi va mustaqil fikrlash ko‘nikmalarini rivojlantirishdagi o‘rni aniqlangan. Tajriba-sinov ishlari natijalari modulli ta’lim asosida tashkil etilgan darslarda o‘quvchilarning matnni tushunish darajasi va o‘qishga bo‘lgan qiziqishi oshganini ko‘rsatdi. Tadqiqot natijalari boshlang‘ich ta’lim amaliyotida o‘qish darslarini samarali tashkil etishda ilmiy-amaliy ahamiyatga ega.