O‘ZBEK Va Rus Tillarida Raqamli Kommunikatsiyani Qiyosiy O‘RGANISHNING Lingvistik Mezonlari

Mazkur tadqiqotda o‘zbek va rus tillarida raqamli kommunikatsiya jarayonini qiyosiy o‘rganishning lingvistik mezonlari tahlil qilinadi. Zamonaviy raqamli muhitda til birliklarining transformatsiyasi, kommunikativ-pragmatik xususiyatlari, leksik-semantik o‘zgarishlari va diskursiv tuzilmalari muhim ilmiy muammo sifatida ko‘riladi. Tadqiqotda ijtimoiy tarmoqlar, messenjerlar va boshqa onlayn platformalarda yuzaga kelayotgan nutqiy birliklar asosida o‘zbek va rus tillarining umumiy va farqli jihatlari aniqlanadi. Shuningdek, qisqartmalar, transliteratsiya, kod almashinuvi, emoji va boshqa noverbal elementlarning lingvistik funksiyalari qiyosiy jihatdan yoritiladi. Ishda lingvopragmatik, diskursiv, korpus va lingvokulturologik yondashuvlar asosida raqamli kommunikatsiyani tahlil qilish mezonlari ishlab chiqiladi. Natijada, o‘zbek va rus tillarida raqamli kommunikatsiya tilining tipologik xususiyatlari aniqlanib, ularning zamonaviy til taraqqiyotidagi o‘rni asoslab beriladi.