Tabiat Burchagi Va Ekologik Muhitni Tashkil Etishning Pedagogik Imkoniyatlari

Ushbu maqolada maktabga tayyorlov guruhi bolalarida ekologik tarbiyani shakllantirishda tabiat burchagi va ekologik muhitni maqsadga muvofiq tashkil etishning pedagogik imkoniyatlari ilmiy jihatdan tahlil qilinadi. Tabiat burchagi — bolaning jonli tabiat bilan bevosita muloqotini ta'minlovchi, kuzatish, parvarish va tadqiqotchilik ko‘nikmalarini rivojlantiruvchi muhit sifatida ko‘rib chiqiladi. Maqolada tabiat burchagini loyihalashning psixologik-pedagogik asoslari, tarkibiy komponentlari, tashkil etish tamoyillari va ekologik qadriyatlarni shakllantirishdagi o‘rni batafsil yoritiladi. Shuningdek, pedagogning tabiat burchagi vositasida bolalar bilan olib boradigan ta'limiy faoliyatining shakl va metodlari, hamda ushbu muhitning kognitiv, hissiy-axloqiy va xulq-atvor jihatlariga ta'siri tadqiq etiladi. Eksperimental kuzatuvlar va amaliy tajribalar asosida tayyorlov guruhi sharoitida ekologik muhitni samarali tashkil etishning metodologik tavsiyalari ishlab chiqilgan.