Предмет на овој труд е улогата на медиумите во заштита на националните интереси на Република С. Македонија и потребата од носење на медиумска стратегија во тој правец. Улогата на медиумите во секоја држава е клучна за промоција и поддршка на институционалните агенди, во насока на штитење на националните интереси. Нашата држава, од осамостојувањето до денес, најмногу изминатите десеттина години, мина низ период на сериозни предизвици, како промената на уставното име, оспорувањето на македонскиот јазик и македонската историја. Овој труд, преку темелна анализа на улогата и начинот на известување на македонските медиуми во гореспоменатите процеси, ќе ја објасни целта и потребата од креирање на посебна медиумска стратегија за заштита на македонските национални интереси, иницирана и подготвена од самите медиуми. Преку компаративната анализа со земјите во регионот од поранешните југословенски републики и пошироко, на истата тема, овој труд покажува дека стратешкото известување на новинарите во клучни моменти е силен штит за самата држава. Медиумите се седмата сила во светот, а суштината на ваквото нивно позиционирање е токму заради нивната моќ во заштитата и борбата за јавните интереси и националните прашања.
Iskra Коroveshovsка (Mon,) studied this question.