Sirdaryo Viloyatida Asalarichilik Tarmog'ini Innovatsion Rivojlantirish Asosida Iqtisodiy Samaradorlikni Oshirish Yo'nalishlari

Dunyo amaliyotida asalarichilik tarmog‘ini innovatsion rivojlantirish, zamonaviy texnologiyalarni joriy etish, mahsulotlarni qayta ishlash va eksport hajmini kengaytirish masalalariga alohida e’tibor qaratilmoqda. Raqamli texnologiyalar, seleksiya ishlari, avtomatlashtirilgan monitoring tizimlari hamda ekologik toza mahsulot ishlab chiqarish mexanizmlarining joriy etilishi asalarichilik faoliyatining iqtisodiy samaradorligini oshirishga xizmat qilmoqda. Shu sababli asalarichilik tarmog‘ida innovatsion yondashuvlardan foydalanish qishloq xo‘jaligi iqtisodiyotining muhim ilmiy-amaliy yo‘nalishiga aylanmoqda[1]. Mazkur tezisda Sirdaryo viloyatining agrosanoat salohiyatidan kelib chiqib, asalarichilikda innovatsion texnologiyalarni qo‘llash va mahsulot diversifikatsiyasi orqali iqtisodiy rentabellikni oshirish masalalari tahlil qilinadi.