Ushbu maqolada jahon tajribasida talaba-qizlar ijtimoiy faolligining shakllanishi va tarixiy rivojlanish tendensiyalari tahlil qilinadi. Tadqiqot doirasida XIX asr oxiridan boshlab ayollar ta’lim olish huquqi uchun olib borilgan harakatlar, feministik to‘lqinlar, fuqarolik jamiyati institutlarining rivoji hamda zamonaviy globallashuv jarayonlarining talaba-qizlar ijtimoiy ishtirokiga ta’siri o‘rganiladi. Xususan, AQSh, Buyuk Britaniya, Germaniya va Yaponiya misolida talaba-qizlarning siyosiy, akademik va volontyorlik faoliyatidagi ishtiroki evolyutsion jarayon sifatida ko‘rib chiqiladi. Maqolada gender tengligi konsepsiyasining rivojlanishi, oliy ta’lim tizimidagi institutsional o‘zgarishlar hamda xalqaro tashkilotlar tashabbuslari asosida yosh ayollarning ijtimoiy pozitsiyasi mustahkamlanishi ilmiy asosda yoritilgan. Tadqiqot natijalari talaba-qizlar ijtimoiy faolligining tarixiy jarayonlar bilan uzviy bog‘liqligini hamda zamonaviy sharoitda uning sifat jihatdan yangi bosqichga ko‘tarilganini ko‘rsatadi.
Nurmatova Nargiza Ulug‘bekovna (Wed,) studied this question.