Futbol dünyada ən çox bilinən idman oyunlarından biridir. Bu idman oyunu iki komanda arasında, hər bir komandada 11 oyunçu olmaqla aparılır. Qapıçıdan başqa (qapıçı yalnız cərimə meydançasında əllərindən istifadə edərək topu saxlaya bilər) digər oyunçuların topa əlləri, qolları vasitəsilə toxunması oyun qaydalarını pozan haldır. Məlumdur ki, məşq, oyun zamanı idmançının bədənində bir sıra dəyişikliklər müşahidə edilir. Bu hallar psixoloji, bioloji, fizioloji kimi hallar ola bilər. Yarışdan öncə idmançının stressə girməsi, yarış zamanı idmançının bədənində baş verən aerob, anaerob proseslər və başqa-başqa dəyişikliklər müşahidə edilir. Bu dəyişikliklərin hər hansı bir patoloji prosesdən qaynaqlı olub-olmadığını bilmək həm idmançı, həm məşqçi, həm də tibbi heyət üzvləri üçün önəmli olmalıdır. Məhz bu səbəbdən də idmançının bədənində baş verən dəyişiklikləri araşdırmaq, onunla daha yaxından maraqlanmaq üçün bir sıra müasir üsullardan istifadə edilir. İdmançılarda əzələ kütləsinin, yağ, piy faizinin, hüceyrədaxili və hüceyrəxarici su miqdarının ölçülməsi, zədənin olub-olmamasını aydınlaşdırmaq üçün bioimpedans adlanan analiz üsulundan istifadə edilir. Bu analiz üsulu sayəsində hər hansı bir növ idmanla məşğul olan idmançıların həmin idman növünün onların bədəninə necə təsir etdiyini açıq şəkildə müşahidə etmək mümkündür. Həmçinin idman növlərinin idmançıların orqanizminə təsirinin müqayisəsində, qadın və kişi idmançılara idmanın təsirinin fərqlərini müşahidə etməyə imkan verir. Bu müasir üsul son zamanlarda, dünyanın inkişaf etmiş ölkələrində istifadə edilən əvəzedilməz analiz üsullarından hesab olunur.
N.M. Rəhimova (Fri,) studied this question.