Yeni̇yetmə Voleybolçularda Fi̇zi̇ki̇ Keyfi̇yyətləri̇n İnki̇şaf Etdi̇ri̇lməsi̇ Üçün İsti̇fadə Edi̇lən Metod Və Vasi̇itələri̇n Təhli̇li̇

Voleybolçuların fiziki hazırlıq sistemində qüvvə keyfiyyətlərinin inkişaf etdirilməsinə xüsusi diqqət yetirilməlidir. Qüvvə hazırlığının xarakterik xüsusiyyəti ondan ibarətdir ki, qüvvə keyfiyyətləri digər fiziki keyfiyyətlərlə kompleks şəkildə inkişaf etdirilməlidir. Qüvvənin inkişaf etdirilməsi üçün ən səmərəli hərəkətlər orta çəkili yüklə dinamik hərəkətlərin icra edilməsi hesab olunur. İlkin hazırlıq mərhələsində əsas vəzifə voleybolçuların ümumi qüvvə hazırlığının təmin edilməsi hesab edilir. Bu mərhələdə istifadə edilən metod və vasitələr əsasən çiyin qurşağının, qolların, biləklərin və ayaqların əzələlərinin inkişaf etdirilməsi istiqamətinə yönəlir.