Yeddi̇nci̇ Sinif Şagi̇rləri̇ İlə Fi̇zi̇ki̇ Tərbi̇yə Dərsləri̇ndə Xüsusi̇ Fi̇zi̇ki̇ Hərəkətlərdən İsti̇fadəni̇n Effekti̇vli̇yi̇

Məqalədə ümumtəhsil məktəblərində fiziki tərbiyənin tədrisi qarşısında qoyulan əsas məqsədlərdən ən əhəmiyyətlisi öz vətənini, xalqını, millətini sevən, fiziki cəhətdən hazırlıqlı, nümunəvi davranışa malik, mübariz və tolerant insan tərbiyə etməkdir. Şagird sağlamlığının mühüm göstəricilərindən biri də fiziki keyfiyyətlərin inkişafıdır. Son illərdə ümumtəhsil məktəblərində şagirdlərin fiziki hazırlığı lazımınca inkişaf etmir. Fiziki tərbiyə dərsləri əsasən yuxarı siniflərdə idman oyunları, məsələn: futbol, voleybol, basketbol və yaxud şən estafetlər üzərində həyata keçirilir. Yeni və maraqlı idman hərəkətlərindən istifadə olunmur. Bu problemi həll etməyin yollarından biri, məsələn, həftədə iki dəfə keçirilən fiziki tərbiyə dərslərindən birində gimnastika proqramı olan "Kalistenika" hərəkətlərindən istifadə edərək şagirdləri fiziki cəhətdən möhkəmləndirmək və bu idman növünü tədris prosesinə daxil etməkdir. Bu metodika orta məktəb şagirdlərinə yüksək emosional səviyyədə dərs keçməyə imkan yaradacaqdır.