Ushbu maqolada tilning olam lisoniy manzarasini shakllantirishdagi o‘rni evfemizmlar misolida, zamonaviy tilshunoslikning ustuvor yo‘nalishi bo‘lgan antroposentrik yondashuv asosida tadqiq etiladi. Tadqiqotning dolzarbligi evfemizmlarni nafaqat nutqni yumshatish vositasi, balki inson tafakkuri va madaniyatini aks ettiruvchi lisoniy fenomen sifatida o‘rganish zarurati bilan belgilanadi. Maqolada o‘zbek tili evfemizmlarining nazariy-metodologik asoslari ko‘rib chiqiladi hamda ularning milliy mentallik bilan bog‘liqligi, assotsiativ xususiyatlari tahlil qilinadi. Shuningdek, ishda ilk bor evfemizmlar asosida shakllangan paremiologik birliklar – maqol va frazeologizmlarning lingvomadaniy tabiati ochib berilgan. Tahlillar natijasida evfemizmlarning inson markazli lisoniy manzaradagi o‘rni, ularning ijtimoiy va madaniy normalarni tartibga solishdagi funksional imkoniyatlari bo‘yicha ilmiy xulosalar shakllantirilgan.
Mansurova Shahzodaxon Siddiq qizi (Wed,) studied this question.