Adabiy Ta’lim Jarayonida Innovatsion Yondashuvlar

Ushbu maqolada neyropedagogik texnologiyalar asosida adabiy savodxonlikni rivojlantirishning nazariy va metodik asoslari yoritilgan. Muallif adabiy savodxonlikni faqat bilim va tushunish emas, balki shaxsiy tafsir, hissiy idrok va mulohazali o‘qish qobiliyatini o‘z ichiga olgan integral kompetensiya sifatida talqin qiladi. Neyropedagogikaning kognitiv, affektiv va sensomotor mexanizmlari adabiy ta’lim jarayonida innovasion yondashuvlarni talab etishi ta’kidlangan. Maqolada neyrofikrlash, neyrotafsir, vizual va verbal faollashtirish, tafakkur kartasi kabi metodik vositalar orqali o‘quvchilarda adabiy savodxonlikni shakllantirish strategiyalari ilmiy asoslangan. Shuningdek, shaxsiy ma’no yaratish, badiiy matnni interpretatsiya qilish va refleksiv mulohazalarni rivojlantirishga xizmat qiladigan ta’limiy faoliyat shakllari tavsiya etilgan.