Terminologiya Va Leksikografiyaning Nazariy Asoslari, Shakllanish Bosqichlari Va O‘ZBEK Tilshunosligidagi Tadqiqot Yo‘nalishlari

Maqolada terminologiya va leksikografiyaning nazariy asoslari, shakllanish tarixi, asosiy ilmiy maktablari hamda zamonaviy tilshunoslikdagi o‘rni yoritiladi. Ilmiy-texnik taraqqiyot, axborot texnologiyalarining jadal rivoji va bilimlar almashinuvi natijasida maxsus leksikaning milliy tillar lug‘aviy tarkibidagi salmog‘i keskin ortayotgani asoslab beriladi. Termin tushunchasining mazmuni, unga berilgan turli ta’riflar, terminning asosiy belgilari, normativ va funksional yondashuvlar tahlil qilinadi. Shuningdek, Vena, Kanada va rus terminologik maktablarining ilmiy qarashlari umumlashtirilib, o‘zbek tilshunosligida terminologiya va terminografiya bo‘yicha olib borilgan izlanishlarning asosiy yo‘nalishlari ko‘rsatib beriladi. Maqolada leksikografiyaning ilmiy va amaliy ahamiyati, elektron lug‘atlar, kompyuter leksikografiyasi va zamonaviy terminologik lug‘atlar yaratish tamoyillari ham tahlil etiladi. Natijada terminologiya va leksikografiyaning bugungi til taraqqiyotidagi strategik ahamiyati, ayniqsa sohaviy terminlarni tizimlashtirish, izohlash va standartlashtirishdagi o‘rni ochib beriladi.