Pahlavon Mahmud Ijodiy Hayot Yo‘lining Bugungi Kun Uchun Ahamiyati Hamda Uni Davlat Miqyosida Targ‘ib Qilish Masalalari

Mazkur maqolada buyuk mutafakkir va xalqimiz qahramoni Pahlavon Mahmudning hayot yo‘li va ijodi zamonaviy ijtimoiy-ma’naviy hamda pedagogik nuqtayi nazardan tahlil qilinadi. Tadqiqotda uning ruboiylarida ilgari surilgan inson kamoloti, o‘zini anglash, kamtarlik, sabr va irodaga asoslangan g‘oyalar chuqur ilmiy asosda yoritiladi. Ushbu g‘oyalar zamonaviy ta’lim tizimidagi reflektiv yondashuv, shaxsga yo‘naltirilgan ta’lim va kompetensiyaviy model bilan qiyosiy tahlil qilinadi. Maqolada, shuningdek, O‘zbekiston Respublikasida Pahlavon Mahmud merosini o‘rganish va targ‘ib qilish borasida amalga oshirilayotgan davlat siyosati, xususan, uning nomidagi davlat stipendiyasining joriy etilishi misolida amaliy natijalar tahlil qilinadi. Tadqiqot natijalari Pahlavon Mahmud merosi zamonaviy ta’lim tizimi va yoshlar tarbiyasida muhim pedagogik material ekanini ko‘rsatadi hamda uni tizimli ravishda ta’lim jarayoniga integratsiya qilish zarurligini asoslaydi.