Oliy Ta’limda Inklyuziv Ta’lim Rivojining Xalqaro Va Milliy Tajribasi

Ushbu maqolada oliy ta’lim tizimida inklyuziv ta’limni rivojlantirishning nazariy va amaliy jihatlari, shuningdek, xalqaro va milliy tajribalar tahlil qilinadi. Tadqiqot jarayonida inklyuziv ta’lim konsepsiyasining shakllanishi, uning oliy ta’lim muassasalarida joriy etilishi va samarali faoliyat yuritishi uchun zarur pedagogik, tashkiliy hamda ijtimoiy shart-sharoitlar o‘rganildi. Maqolada turli mamlakatlar tajribasi asosida inklyuziv ta’limni tashkil etishning samarali modellari ko‘rib chiqilib, ularning milliy ta’lim tizimiga moslashuv imkoniyatlari tahlil qilindi. Shuningdek, O‘zbekiston oliy ta’lim tizimida inklyuziv ta’limni rivojlantirish bo‘yicha amalga oshirilayotgan islohotlar va ularning natijalari muhokama qilinadi. Tadqiqot natijalari inklyuziv ta’limni rivojlantirish jarayonida xalqaro tajribani milliy sharoitga moslashtirish muhim ahamiyat kasb etishini ko‘rsatdi.