Mazkur maqolada maktabgacha yoshdagi bolalarda tovushlar talaffuzidagi kamchiliklar (dislaliya)ning kelib chiqish sabablari, turlari hamda ularni bartaraf etishning korreksion-logopedik ishlar mazmuni yoritilgan. Tadqiqotda artikulyatsion apparatning tuzilishi va funksional holati, fonematik idrokning rivojlanish darajasi hamda ijtimoiy-pedagogik omillarning nutq rivojiga ta’siri tahlil qilinadi. Shuningdek, tovushlarni noto‘g‘ri talaffuz qilish oqibatida yuzaga keladigan yozma va og‘zaki nutq buzilishlari ko‘rsatib berilgan. Maqolada korreksion ishlarning asosiy yo‘nalishlari — artikulyatsion gimnastika, fonematik eshituvni rivojlantirish, tovushlarni differensiallash va avtomatlashtirish jarayonlari tizimli ravishda bayon etilgan. Ayniqsa, R va L tovushlarini shakllantirishda qo‘llaniladigan amaliy mashqlar, o‘yin texnologiyalari va innovatsion yondashuvlarning samaradorligi asoslab berilgan.
Musayeva Nargiza Sayfullyevna (2026) studied this question.