Xandon Pistada Kulrang Uzunburun Qo'ng'iziga Qarshi Kurash

Maqolada 2023-2025-yillarda Jizzax viloyati iqlim sharoitida xandon pista (Pistacia vera L.) plantatsiyalarida kulrang uzunburun qo'ng'iziga qarshi insektitsidlarning biologik samaradorligini baholash bo'yicha o'tkazilgan tadqiqot natijalari keltirilgan. Tadqiqotlarda Mospilan, 20% n.kuk. preparati 0,2-0,3 kg/ga va Pilarking, 20% em.k. preparati 0,15-0,25 l/ga sarf me'yorlarida qo'llanilganda, ishlov berilgandan keyingi 7-kundan boshlab yuqori biologik samara ko'rsatishi aniqlangan va 14-kunga kelib samaradorlik 99,4-99,5% ni tashkil etgan. Atilla Super, 10% em.k. preparati 0,2-0,4 l/ga hamda Decis, 10% em.k. preparati 0,1-0,15 l/ga sarf me'yorlarida qo'llanilgan variantlarda yuqori biologik samara ishlov berilgandan keyingi 3-kundan boshlab kuzatilib, maksimal samaradorlik 99,0-99,5% gacha yetgan. Olingan natijalar ushbu insektitsidlarning kulrang uzunburun qo'ng'iziga qarshi yuqori samaradorlikka ega ekanligini hamda ulardan Jizzax viloyati sharoitida xandon pista plantatsiyalarini zararkunandadan himoya qilish tizimida foydalanish mumkinligini ko'rsatdi.