O'ZBEKISTON Respublikasida Iqtisodiy O'SISH Va Ekologik Barqarorlik Ssenariylarini Prognozlash

Maqolada O'zbekistonda iqtisodiy o'sish va CO₂ chiqindilarining 2035-yilgacha bo'lgan rivojlanish ssenariylari Kaya ayniyatiga asoslangan ssenariy modeli hamda Monte-Karlo simulyatsiyasi yordamida prognoz qilingan. To'rt ssenariy ishlab chiqilgan: inersion, energiya samaradorligi, "yashil" transformatsiya va jadal o'sish. Hisob-kitoblarga ko'ra, inersion ssenariyda chiqindilar 2035-yilga borib 2023-yilga nisbatan 35 foizga oshadi. "Yashil" transformatsiya ssenariysida esa ular 24,5 foizga kamayadi. Monte-Karlo simulyatsiyasi natijalariga ko'ra, joriy tendensiyalar saqlansa, 2030-yilda chiqindilar 2023-yil darajasidan yuqori bo'lish ehtimoli 87 foizni tashkil etadi. CO₂ chiqindilarining YaIM birligiga nisbati 2023-yildayoq 2010-yilga nisbatan 57 foizga kamaygan. Shu sababli intensivlikka asoslangan milliy maqsad chiqindilarning mutlaq o'sishini cheklamasligi asoslab berilgan.