Emotsional Holatlarning Psixologik Tabiati Va Ularning Kognitiv Jarayonlar Bilan O'ZARO Bog'liqligi

Maqolada emotsional holatlarning psixologik tabiati va ularning diqqat, xotira, tafakkur hamda qaror qabul qilish kabi kognitiv jarayonlar bilan o'zaro bog'liqligi tahlil qilinadi. Tadqiqot nazariy-analitik sharh usulida bajarildi: emotsiya va kognitsiya muammosiga oid klassik va zamonaviy manbalar qiyosiy o'rganildi. Tahlil natijalari shuni ko'rsatadiki, emotsiya va kognitsiya o'zaro bir-biriga ta'sir qiluvchi, asabiy va funksional jihatdan bir-biridan to'liq ajratib bo'lmaydigan tizimlardir. Emotsional qo'zg'alish darajasi, hissiy valentlik va emotsiyalarni boshqarish strategiyalari kognitiv samaradorlikni belgilovchi asosiy omillar sifatida namoyon bo'ladi. Maqola xulosalari ta'lim, psixologik maslahat va klinik amaliyotda qo'llanilishi mumkin.