Oliy Ta’limda O‘Z-O‘ZINI Boshqarib O‘QISH Orqali Talabalarning Akademik Mustaqilligini Rivojlantirishning Pedagogik Mexanizmlari

Mazkur maqolada oliy ta’lim jarayonida talabalarning akademik mustaqilligini rivojlantirishning pedagogik va nazariy-metodologik asoslari tahlil qilingan. Xususan, mustaqil ta’limni tashkil etish bilan talabaning o‘z o‘quv faoliyatini ongli ravishda rejalashtirish, boshqarish, nazorat qilish va baholash qobiliyati o‘rtasidagi munosabat yoritilgan. Tadqiqotda o‘z-o‘zini boshqarib o‘qish konsepsiyasining ilmiy asoslari, kognitiv va metakognitiv strategiyalarning ta’lim samaradorligiga ta’siri hamda pedagogik qo‘llab-quvvatlashning ahamiyati o‘rganilgan. Shuningdek, akademik mustaqillikni shakllantirishga qaratilgan diagnostik, maqsadli-rejalashtirish, strategik-faoliyat, monitoring va refleksiv-baholash bosqichlarini birlashtiruvchi pedagogik mexanizm taklif etilgan. Maqolada talabaning ta’lim jarayonidagi faol subyekt sifatidagi mavqeini mustahkamlash, mustaqil qaror qabul qilish va o‘z ta’lim natijalari uchun mas’uliyatni rivojlantirishga doir nazariy xulosalar hamda amaliy tavsiyalar ishlab chiqilgan.