Bo'lajak Rahbarlarda Kreativ Fikrlashni Rivojlantirish

Ushbu maqolada bo’lajak rahbarlarda kreativ fikrlashni rivojlantirishning nazariy va amaliy jihatlari yoritilgan. Zamonaviy boshqaruv sharoitida rahbarning kasbiy kompetensiyasi faqat boshqaruv bilimlari bilan emas, balki muammolarga yangicha yondashish, nostandart qarorlar qabul qilish, innovatsion g’oyalarni ilgari surish va jamoaning ijodiy salohiyatidan samarali foydalanish qobiliyati bilan ham belgilanadi. Maqolada kreativ fikrlash tushunchasining mazmuni, uning bo’lajak rahbar faoliyatidagi ahamiyati hamda ta’lim jarayonida kreativ kompetensiyalarni shakllantirish imkoniyatlari tahlil qilingan. Bo’lajak rahbarlarda kreativ fikrlashni rivojlantirishda muammoli ta’lim, “aqliy hujum”, keys-stadi, loyiha metodi, “SCAMPER” va “Design Thinking” kabi zamonaviy pedagogik texnologiyalardan foydalanishning samaradorligi asoslab berilgan. Shuningdek, kreativ ta’lim muhitini yaratish, talabalarning mustaqil fikrlashi va tashabbuskorligini qo’llab-quvvatlash rahbarlik kompetensiyalarini shakllantirishning muhim sharti sifatida ko’rib chiqilgan.